கடவுளும் வழிபாடும் அரசியலும்

நேற்று வந்த தீர்ப்பு திருப்தி அளித்திருக்கலாம் சிலருக்கு, அதிருப்தியும் அளித்திருக்கலாம் சிலருக்கு. இந்த விஷயத்தை பற்றி பலருக்கும் பல கருத்துகள் இருக்க கூடும், இந்த விஷயம் சர்சைக்கு உள்ளானது மசூதி கட்டபட்டதாக சொல்லப்பட்ட 1528ஆம் ஆண்டில் அல்ல, 1853ல் தான் முதல் தகராறு வந்துள்ளது, சுமார் 75 பேர் மடிந்துள்ளனர் கலவரத்தில். ஏறக்குறைய 325 ஆண்டுகள் அங்கே எந்த பிரச்சனையும் நடந்ததாக தகவல் இல்லை, அந்த காலகட்டம் முகலாயர் ஆட்சியாகவே இருந்த போதிலும்.

ஆனால் 1853ல் ஆங்கிலேயர் ஆட்சி கால கட்டம், ஆங்கிலேயரின் வழக்கமான பிரித்தாலும் கொள்கையின் அடிப்படையிலே இரு மதத்தை சேர்ந்தவர்களையும் மோத விட்டிகலாம், அந்த நெருப்பு அனையாமல் இருக்கிறது இன்றளவும்.

நடந்த வழக்கு அந்த சர்சைக்குறிய இடம் யாருக்கு சொந்தம் என்பது, அந்த அடிப்படையில் பார்க்கையில் பல நூறு ஆண்டுகளாக பரம்பரை பரம்பரையாக யார் அந்த ஊரில் அல்லது அந்த இடத்தின் அருகில் யார் குடி இருந்திருப்பார்களோ அவர்களுக்கு தான் அந்த இடம் சொந்தமாக இருக்க கூடும், அந்த வகையில் வழக்கு தொடுத்த எவருமே அந்த இடம் யாருக்கு சொந்தம் என்ற ஆதாரங்களை தரவில்லை. யாருக்கும் சொந்தமில்லா நிலத்தை நீதி மன்றம் மூன்றாக பங்கீடு செய்த்து தீர்ப்பு வழங்கியுள்ளது.

ஒரு நல்ல வலிமை வாய்ந்த மக்கள் நலம் விரும்பும் அரசாங்கமாக இருந்தால் யாருக்கும் சொந்தம் இல்லாத அந்த நிலத்தை கையகப்படுத்தி இருக்க வேண்டும். சர்சை ஏற்படுத்தும் இரு சாரரும் விரும்புவது அந்த இடத்தில் வழிபாடு நடத்தவே, அது போலவே அந்த இடத்தில் எந்த மததின் சின்னங்களும் இல்லாமல் ஒரு பொதுவான தியான மண்டபம் அல்லது அது போன்றதொரு கூடத்தை ஏற்படுத்தி இருக்க வேண்டும். யார் வேண்டுமானலும் வரலாம் வழிபடலாம் ஆனால் மத சின்னங்கள் அங்கே கூடாது என.

அது போல அல்லமல் ஏதோ கட்டபஞ்சாயத்து போல ஒரு விஷயத்தை அறிவித்தி இருக்கிறார்கள். ப.ஜா.க அங்கே ராமர் கோவில் கட்டுவேன் என்கிறார்கள், ஒரு காங்கிரஸ்காரரோ அப்படியானல் அங்கே முஸ்லீம்கள் பாபர் மசூதி கட்டுவார்கள் என உசுப்பி விடுகிறார். மறுபடியும் ஆரம்பித்த இடத்திற்கே வராமல் இருந்தால் சரி. மக்கள் நலனில் அக்கரை இல்லா அரசியலாலர்கள் இருக்கும் வரை எந்த பிரச்சனையும் முடிவுக்கு வரப்போவதில்லை.


எந்த கடவுளும் தன்னை வழிபட ஒரு இடம் ஏற்படுத்தி கொடுக்கும் படி யாரையும் கேட்கவில்லை. அப்படி ஒரு இடம் தேவைபட்டல் சர்வ வல்லமை பொருந்திய கடவுள் அதை ஏற்படுத்தி வைத்திருப்பார்.இதெல்லம் நாம் நமது வசதிக்காகவும் வேறு பல விஷய்ங்களுக்காகவும் ஏற்படுத்திக்கொண்டது. பிறக்கும் போது ஏதும் அறியாத குழந்தையாக தான் பிறக்கிறோம் செத்த பின்பும் ஏதும் அறியாமல் பிணமாக தான் கிடக்கிறோம். பிறந்தால் குழந்தை செத்தால் பிணம், மற்றதெல்லம் இடையில் வந்து இடையிலேயே போவது. மனிதர்களாக வாழ்வோம் இறுதி வரை.

வள்ளுவர் கோட்டம்: சென்னை

1976ம் ஆண்டு சென்னை நுங்கம்பாக்கம் பகுதியில் குப்பை மேடாக இருந்த ஏரியின் நடுப்பகுதியில், திருவள்ளுவர் மேல் கொண்ட மாறாத பற்றினால் அன்றைய முதல்வர், கலைஞர் கருணாநிதியால், சிற்ப கலைஞர் கணபதி ஸ்தபதியை கொண்டு வடிவமைக்க பட்டு East Coast Constructions and Industries ஆல் உருவக்க பட்ட நினைவகம் வள்ளுவர் கோட்டம். ”குப்பையும் கோபுரமாகும் கோபுரமும் குப்பை ஆகும்” என்ற பழமொழிக்கு சிறந்த உதாரணமக இன்று விளங்குகிறது.

நுழைவாயிலில் இருந்து அரங்கமும், தேரின் மேல் பகுதியும்.

இந்தியன் வங்கி பராமரிப்பில் புல்வெளி

திருவாரூர் தேர்வடிவில்

திருவாரூர் தேரின்(திரு.கருணாநிதி பிறந்தது திருவாரூர் அருகில் தான்) மாதிரியில் அமைக்க பட்டுள்ள சிற்பத்தேர் அனைவரையும் மிகவும் கவரும். ஆசை ஆசையாக இந்த நினைவகத்தை வடிவமைத்து கட்டிய திரு. கருணாநிதி அவர்களுக்கு அதை திறந்து வைக்கும் வாய்ப்பு இல்லாமல் அவரது ஆட்சி கலைக்கபட்டு விட்டது, அவசர நிலை அறிவிக்க பட்டு ஜனாதிபதி ஆட்சி நடைமுறை படுத்தபட்டது. . ஜனாதிபதி ஆட்சி செய்த காலத்தில் அன்றைய ஜனாதிபதி திரு. ஃபக்ருதீன் அலி அஹமத் அவர்களால் திறக்க பட்டது. பின்பு 13 ஆண்டுகள் கழித்து 1989ல் மீண்டும் முதல்வராக மக்களால் தேர்ந்தெடுக்கபட்ட திரு.கருணாநிதி இதே வள்ளுவர் கோட்டத்தில் தான் பதவி ஏற்றுக்கொண்டார்

இந்த நினைவகத்தின் மற்றோர் சிறப்பு இங்குள்ள அரங்கம். தூன்களே இல்லாத இந்த அரங்கம் ஆசியாவின் மிகப்பெரிய அரங்கங்களில் ஒன்றாகும். ஏறக்குறைய 4000 பேர் அமர்ந்து நிகழ்ச்சிகளை கண்டு களிக்க கூடிய வகையில் அமைந்த அரங்கமகும் இது. நான் சென்று பார்த போது இந்த அரங்கத்தில் வட கிழக்கு மாநிலங்களில் வடிவமைக்க பட்ட கலை பொருட்கள் காட்சி படுத்த பட்டிருந்தன. அழகான புல் வெளியும் மலை செடிகளும் இந்தியன் வங்கியால் உருவக்க பட்டு நன்கு பரமரிக்க படுகிறது.

தேரை சுற்றி அமைக்க பட்டுள்ள வேலியின் உறுதியை சோதிக்கும் சமூக ஆர்வலர்கள்

அரசியல் மறுதல்களால் பல்வேறு காலங்களில் பல்வேறு இன்னல்களையும், பராமரிப்புகளையும் சந்தித்த இந்த வள்ளுவர் கோட்டத்தின் இன்றைய நிலையும் அப்படி ஒன்றும் மெச்சும்படி இல்லை, இப்போது நடப்பது திரு,கருனாநிதியின் ஆட்சியாகவே இருந்தாலும். இன்றைய காலகட்டத்தில் ஏறக்குறைய ”மண்ணார் & கம்பெனி” போல சில இடங்களிலும், காதல் விளையாட்டுக்கள் அரங்கேரும் இடமாகவும், குப்பை கூளம் சில இடங்களிலும், காண சகிக்க முடியாமல் உள்ளது. ஒரு அழகிய குளம் பராமரிப்பின்றி அழுக்கு குட்டையாக காட்சியளிக்கிறது. இதையெல்லம் மீறி ஒரு சில சுற்றுலா பயனிகளும் வரத்தான் செய்கிறார்கள். முதல்வர் அவர்கள் தன் பல்வேறு பனிகளுக்கிடயே தான் உருவாக்கிய இந்த நினைவகத்தையும் கவனித்து பராமரிக்க செய்தால் நன்றாக இருக்கும். எல்ல வித காட்சிகளையும் படம் பிடித்தாலும் நல்ல விஷங்களையே உங்கள் காட்சிக்கு வைத்திருக்கிறேன்

எது எப்படியோ சென்னை மாநகரின் மிக முக்கிய அடையாளங்களில் ஒன்றாக கடந்த 35ஆண்டுகளாக விளங்குகிறது இந்த வள்ளுவர் கோட்டம்.

நன்றி:விக்கீபீடியா

சுற்றுபுற சூழலை நாமே காக்க வேண்டியவர்கள்

நமது சுற்றுபுற சூழலை நாமே காக்க வேண்டியவர்கள், ஏனெனில் அதை கெடுத்தவர்களும் நாமாகிய காரணத்தால். அவர்கள் செய்த தவறால் தான் இந்த பகுதி கெட்டுபோனது, அந்த நிறுவனம் இந்த பகுதியில் வந்ததால் தான் இந்த பகுதி கெட்டுபோனது, நீ / அவன் செய்யும் தவறுகளால் தான் இந்த பகுதி சீரழிகிறது என ஒருவரை ஒருவர் குற்றம் சாட்டிக்கொள்ளாமல், இதற்கான காரனம், நானாக, என் குடும்பதினராக, என் சுற்றத்தாராக, என் நன்பர்களாக, நான் வசிக்கும் பகுதியுள் வசிக்கும் மக்களாக இருக்கலாம் என நாம் ஏன் நினைக்க கூடாது? மூன்றாவது நபர் மாறவேண்டும், தவறுகள் செய்ய கூடாது என நினைப்பதை விட, நான் எவ்வாறு சுற்றுசூழலை பாதிப்படைய செய்யாமல் இருக்க முடியும், எவ்வாறு பாதுகாக்க முயற்சி எடுக்க முடியும் என்பதை ஆராய்ந்து செயல் பட்டால் நலம் அல்லவா?

சுற்று சூழலை பாதிக்கும் முக்கிய காரணங்கள் சில:
அளவுக்கு அதிகமான ஒலி, அளவுக்கு அதிகமான புகை, அளவுக்கு அதிகமான கழிவுகள், அதிக அளவிலான ரசாயனங்கள் பயன்பாடு.

அதிக வாகணங்கள் பயன் பாட்டினால் ஏற்படும் ஒலி(எ.க. சென்னை பெரு நகரின் உள்ளே இருக்கும் டெசிபல் அளவுக்கும் புறநகர் பகுதிகளில் இருக்கும் டெசிபல் அளவுக்கும் நிறைய வேறுபாடு இருக்கும்). வாகணங்கள் பயண்பாட்டினை குறைப்பதன் மூலம் இதை தவிற்க முடியும்.

திருவிழாகாலங்களில், கோவில்களில், தேவாலையங்களில், மசூதிகளில், குருத்வாரக்களில், நம் வீடுகளில் நடை பெரும் கொண்டாட்டங்களில்,உபயோகிக்கப்படும் ஒலிப்பெருக்கிகள் ஏற்படுத்தும் பேரொலிகளிகளை குறைத்தல் மூலம் இவற்றை தவிர்க்கலாம்.

நாம் உபயோகிக்கும் இரண்டு, மூன்று,நாண்கு சக்கர வாகனங்களையும் புகை மிகுதியாகவும் வெளியிடும் இயந்திரங்களையும் தகுந்த காலங்களில்/சீரனா கால இடைவெளிகளில் பராமரித்தும் பழுதுகளை சீரமைப்பதன் மூலமும் புகையை தவிர்க்கலாம், இதன் மூலம் காற்று மாசு குறைகிறது.

முடிந்த வரை எரிபொருட்கள் அதிகம் பயன்படுத்தும் தனி நபர் வாகனங்களை(அமெரிக்க போன்ற நாடுகளில் car pooling மிகவும் ப்ரபலமாகும்) தவிர்த்து சைக்கிள், பேருந்து, இரயில் போன்றவற்றை பயன் படுத்துவது மூலம் அதிக புகை, காற்று மாசு, புவி வெப்பமயம் ஆதல் ஆகியவற்றை தவிர்கலாம்.

தேவைக்கு அதிகமாக டிவி, கணினி, செல்போன், ஐபாட் போன்ற எலெக்ட்ரானிக் பொருட்களை பயன் படுத்தாமை நன்று. இதன் மூலம் நம் கண்கள், காதுகள் பாதுகாக்க படுவதோடு, புவி வெப்பமயமாதலும் தவிர்க்க படுகிறது.

மறுசுழற்சி செய்ய முடியாத பொருட்க்களை(கடினமாக்க பட்ட ரப்பர், பிளாஸ்டிக், ரசாயனம் கலந்த அட்டைகள், ஜிகினா பேப்பரில் அமைந்த கிப்ட் பேப்பர்(இது பிளாஸ்டிக்கை விட ஆபத்தானது, மக்குவது மிகவும் கடினம்).

விளை நிலங்களில் ரசாயனங்களை பயன் படுத்தாமல் இயற்கை வழியில் வேளாண்மை செய்வது நன்று. ரசாயன உரங்கள் பயண்படுத்தாத இயற்கை உரங்கள் பயன் படுத்தி தயாரித்த ஆர்கானிக் தானியங்கள், உணவுகளை ஆதரிப்பதன் மூலம் ராசாயன உரங்களை தடுக்கலாம்.

மழை நீர்சேகரிப்பு(இந்திய அரசியல் வரலாற்றிலேயே ஒரு அரசியல்வாதி கொண்டுவந்த ஒரே உருப்படியான திட்டம்- என் கருத்தில்) அமைப்பினை நமது வீடுகளில் ஏற்படுத்துவதன் மூலம் நிலத்தடி நீரை பேனவும் புவிவெப்பமயமாதலை தவிர்க்கவும் முடியும்.

எழுத இன்னும் நிறைய விஷயங்கள் உள்ளன சுற்றுசூழல் குறித்து, விரிவு அஞ்சி முடிக்கிறேன்.

முடிந்த வரையில் இயற்கை வழியில் வாழ்வோம், வாகண பயன்பாட்டை குறைப்போம், மழை நீரை சேகரிப்போம், மின் பயன்பாட்டை குறைப்போம், முடிந்த வரை மரங்களை வளர்த்து நம் பகுதியை வளமாக்குவோம். நாம் இருக்கும் பூமியை காக்க வேண்டியவர்கள் நாமே.

இந்த விஷயங்களை எழுத எனக்கு மிகவும் ஊக்கமும் ஆதரவும் அளித்த CLAP நிறுவனத்தின் இயக்குனர், Rev.Fr. அ.இன்னாசிCMF அவர்களுக்கு நன்றி.